वर्धा : जिल्ह्यामध्ये एक हृदय पिळवटून टाकणारी घटना घडली आहे. एका माथेफिरूने गर्भवती श्वानाच्या पोटात चाकू भोसकून श्वानाची हत्या केल्याची धक्कादायक घटना उघडकीस आली आहे. मागील काही दिवसांपासून पाळीव प्राण्यांवर काही माथेफिरू हल्ला करत असल्याचे प्रकार समोर आले असून या हल्ल्याचा पुरावा सीसीटीव्हीमध्ये कैद झाला आहे.
वर्धा येथील देवळी शहराच्या ठाकरे चौकात एका श्वानावर माथेफिरुने चाकूने केलेल्या हल्ल्याचीधक्कादायक घटना सीसीटीव्हीमध्ये कैद झाली आहे. दरम्यान, सोशल मीडियावर हा व्हिडीओ व्हायरल झाला आहे. या हल्ल्याचा व्हिडीओ व्हायरल झाल्यानंतर सर्वच स्तरातून यासंदर्भात संताप व्यक्त केला जात आहे.
पोटात चाकू भोसकून गर्भवती श्वानाची निर्घुण हत्या #wardha #maharashtra #murder pic.twitter.com/HWVnIEJL7Q
— Azroddin Shaikh (@azars_007) August 25, 2022
आरोपीवर तातडीने गुन्हा दाखल करून अटक करण्याची मागणी वर्ध्यातील ‘युवा परिवर्तन की आवाज’ संघटनेने केली आहे. ज्या ठाकरे चौकात ही घटना घडली तेथून पोलीस स्थानक अवघ्या ५० मीटर अंतरावर आहे. त्यामुळे आता या संपूर्ण घटनेचा व्हिडीओही समोर आला असून प्राणीप्रेमींनी या घटनेबाबत तीव्र संताप व्यक्त केला आहे.