वाघळवाडी: सोमेश्वरनगर ग्रामपंचायत अंतर्गत येणाऱ्या मुख्य बाजारपेठेतील व इतर ठिकाणांवरील अत्यावश्यक सेवा असलेली मेडिकल आणि किराणा माल दुकाने वगळून इतर सर्व दुकाने बंद ठेवण्याचा निर्णय घेण्यात आला आहे.
मेडिकल हे पूर्ण वेळ चालू राहणार असून किराणा माल हे दिवसा 11 ते 5 या वेळेत चालू राहील. तसेच बाहेरील गावावरून येणाऱ्या लोकांना क्वारंटाइन करण्याबाबत आज तातडीने ग्रामपंचायत सदस्यांची बैठक बोलविण्यात आली आहे.
मुर्टी येथे आज एक करोना पॉझिटिव्ह रुग्ण सापडला, या पार्श्वभूमीवर हा निर्णय घेण्यात आला. ग्रामपंचायत परिसरात बिगर मास्क कोणी व्यक्ती सापडली तर त्याच्याकडून 500 रुपये दंड आकारण्यात येईल, अशी माहिती ग्रामपंचायत प्रशासनाने दिली.