बारामती (प्रतिनिधी) – शहरातील प्रसिद्ध उद्योजक स्व.संदीप मनसे यांच्या पत्नी स्नेहा संदीप मेंनसे (वय 50 रा. सहयोग सोसायटी बारामती शहर) यांनी त्यांचे राहते घरी पहाटे साडीने गळफास घेऊन आत्महत्या केल्याची घटना घडली आहे. या घटनेने बारामती शहरात खळबळ उडाली आहे. आत्महत्या की घातपात या चर्चेला बारामतीत उधाण आले आहे.
भिगवण रोडवरील सहयोग सोसायटी येथील निवासस्थानी पहाटे पाच वाजण्याच्या पूर्वी ही घटना घडली आहे. आत्महत्याचे कारण समजले नसल्याचे पोलिसांचे म्हणणे आहे. घटनेच्या वेळी मयत स्वतः व त्यांचा मुलगा अजिंक्य असे दोघेच घरी होते.
पोस्टमार्टम मध्ये सदरचा मृत्यू हा गळफास घेतल्याने झाल्याचे निष्पन्न झाली आहे. पुढील तपास बारामती शहर पोलीस ठाण्याचे पोलीस निरीक्षक संतोष घोळवे हे करत आहेत.