पिंपळे गुरव, (वार्ताहर) – पॅराडाइज इंटरनॅशनल स्कूलमध्ये जागतिक पर्यावरण दिन उत्साहात साजरा करण्यात आला. कार्यक्रमाची सुरुवात शिक्षिकांनी सादर केलेल्या पर्यावरणावर आधारित नाट्यातून करण्यात आली. शिक्षकांनी या नाट्यातून पर्यावरणाचा वाढता र्हास व तो थांबविण्याचा उपाय हे पथनाट्य सादर केले.
विद्यार्थ्यांकडून एक वृक्ष जगविण्याची प्रतिज्ञा घेतली. या कार्यक्रमासाठी उपस्थित असलेले संस्थेचे अध्यक्ष अनंत काळे, संचालक नवनाथ काळे अॅड. सचिन काळे उपस्थित होते. शाळेच्या मुख्याध्यापिका प्रज्ञा काळे यांच्या उपस्थितीत मान्यवरांच्या हस्ते वृक्षारोपण करण्यात आले.
अॅड. सचिन काळे यांनी आपल्या मार्गदर्शनपर भाषणात वृक्षाचे महत्त्व व वाढते प्रदूषण रोखण्याचे उपाय याविषयी मार्गदर्शन केले. कुंदा काळे यांनी बहुगुणी व औषधी वनस्पती वृक्षांची विद्यार्थ्यांना ओळख करून दिली. कार्यक्रमाच्या शेवटी वृक्षाचे संवर्धन करण्याचे व वृक्ष जगवण्याची विद्यार्थ्यांनी व शिक्षिकांनी प्रतिज्ञा घेऊन कार्यक्रमाची सांगता करण्यात आली.