‘फास्ट अँड फ्युरियस’ अभिनेता विन डिझेलवर त्याच्या माजी सहाय्यक महिलेने लैंगिक छळाचे आरोप केले. यामुळे विन डिझेल चांगलाच अडचणीत सापडला आहे. गुरुवारी लॉस एंजेलिसमध्ये दाखल केलेल्या खटल्यानुसार अॅस्टा जोनासनने दावा केला आहे की, अॅटलांटा येथील ‘फास्ट फाइव्ह’च्या सेटवर काम करत असताना अभिनेत्याने 2010 मध्ये तिच्यावर लैंगिक अत्याचार केले. तिचा दावा आहे की 2010 मध्ये, डिझेलने तिला हॉटेलच्या खोलीत नेले आणि तिच्यासमोर हस्तमैथुन केले होते.
कायदेशीर तक्रारीनुसार, जोनासनला विन डिझेलच्या कंपनीने विविध कामे करण्यास सांगितले होते. यामध्ये डिझेलची व्यवस्था करणे आणि सामाजिक कार्यक्रमांमध्ये त्याच्यासोबत असणे, तसेच विनसोबतच्या कार्यक्रमांना जाणे, हे सर्व तिला करण्यास सांगितले होते. जोनासनच्या फर्म ग्रीनबर्ग ग्रॉसने एका निवेदनात या सर्व गोष्टी सांगितल्या आहेत.
कंपनीच्या प्रवक्त्याने सांगितले की, त्यांना त्यांच्या ग्राहकांसोबत उभे राहून विन डिझेलच्या विरोधात आवाज उठवण्यात अभिमान वाटतो. खटल्यानुसार, सप्टेंबर 2010 मध्ये रात्री उशिरानंतर, जोनासनला क्लबिंगमधून परत येईपर्यंत सेंट रेगिस हॉटेलमधील डिझेलच्या हॉटेलच्या खोलीत थांबण्यास सांगण्यात आले. आणि नंतर जेव्हा ते परत आले, तेव्हा डिझेलने कथितरित्या जोनासनचे मनगट पकडले आणि तिला बेडवर ओढले.
दरम्यान विन डिझेलने त्याच्या लैंगिक इच्छा पूर्ण करण्यासाठी तिचा वापर केला आणि ती त्याच्याविरुद्ध बोलली. आता या प्रकरणी कायदा काय निर्णय घेते हे पाहणे बाकी आहे, परंतु वरवर पाहता त्याचा विन डिझेलच्या करिअरवर मोठा परिणाम होऊ शकतो.