श्रीनगर – जम्मू परिसरातील उधमपूर जिल्ह्यात गेल्या आठ तासांत दोन बॉम्बस्फोट झाले. पहिला स्फोट काल रात्री साडेदहा वाजता उधमपूरच्या डोमेलमध्ये झाला, तर दुसरा स्फोट उधमपूरच्या मुख्य बसस्थानकात झाला.
डोमेल येथे झालेल्या बॉम्बस्फोटात बसचा स्फोट झाला असून दोन जण गंभीर जखमी झाले आहेत. त्याचवेळी, पहाटे 5:40 च्या सुमारास उधमपूरच्या बसस्थानकात दुसरा स्फोट झाला, सुदैवाने कोणीही जखमी झाल्याची माहिती नाही.
#WATCH | J&K: A blast occurred in an empty passenger bus parked near a petrol pump at Domail Chowk in Udhampur at around 10:30 pm. Two persons were injured and have been shifted to the District hospital. Police & other agencies reached the spot.
(CCTV Visuals verified by Police) pic.twitter.com/3ESVXPdufP
— ANI (@ANI) September 28, 2022
जम्मू-काश्मीर पोलीस आणि सीआरपीएफ सुरक्षा यंत्रणांचा ताफा घटनास्थळी पोहोचला. अखेर हा स्फोट कसा झाला याबाबत घटनास्थळी तपास करण्यात येत आहे. डीआयजी उधमपूर रेंज मोहम्मद सुलेमान चौधरी सांगतात की, तपास सुरू आहे, ही दहशतवादी घटना आहे की नाही याचाही आम्ही तपास करत आहोत.
उधमपूरला सतर्कतेचा इशारा देण्यात आला आहे. बुधवारी रात्री झालेला हा स्फोट सीसीटीव्हीत कैद झाला आहे. केंद्रीय तपास यंत्रणांनीही प्राथमिक तपास सुरू केला आहे. एनआयएचे पथक लवकरच घटनास्थळी भेट देणार आहे. एनआयएने यासंदर्भातील सर्व माहिती राज्य पोलिसांकडून मागवली आहे. लवकरच हा अहवाल गृहमंत्रालयाला सादर करण्यात येणार आहे.