RBI – नियामक नियमांचे पालन न केल्याबद्दल भारतीय रिझर्व्ह बँकेने ICICI आणि कोटक महिंद्रा बँकेवर कारवाई केली आहे. रिझर्व्ह बँक ऑफ इंडिया (RBI) ने मंगळवारी सांगितले की, त्यांनी ICICI बँकेला 12.19 कोटी रुपये आणि कोटक महिंद्रा बँकेला 3.95 कोटी रुपयांचा दंड ठोठावला आहे.
कारवाईसाठी दिली ही कारणे –
खाजगी क्षेत्रातील ICICI बँकेला ‘कर्ज आणि अग्रिम – वैधानिक, इतर निर्बंध’ , ‘व्यावसायिक बँका आणि निवडक वित्तीय संस्थांद्वारे फसवणूक वर्गीकरण आणि अहवाल’ संबंधित नियमांचे उल्लंघन केल्याबद्दल दंड ठोठावण्यात आला आहे.
नियामक अनुपालनातील अनियमिततेमुळे दंड आकारला –
रिझव्‍‌र्ह बँकेने आणखी एका निवेदनात म्हटले आहे की, कोटक महिंद्रा बँक लिमिटेडवर हा दंड ‘बँकांकडून वित्तीय सेवांच्या आउटसोर्सिंगमधील जोखीम व्यवस्थापन आणि आचारसंहिता’, ‘बँकांनी गुंतलेले रिकव्हरी एजंट’, ‘बँकांमधील ग्राहक सेवा’ आणि ‘ क्रेडिट आणि अॅडव्हान्स – ‘वैधानिक आणि इतर निर्बंध’ संबंधित निर्देशांचे उल्लंघन केल्याबद्दल लादले गेले आहे.
आरबीआयने म्हटले आहे की दोन्ही प्रकरणांमध्ये दंड नियामक अनुपालनातील कमतरतेवर आधारित आहे. बँकांनी त्यांच्या ग्राहकांसोबत केलेल्या कोणत्याही व्यवहाराच्या किंवा कराराच्या वैधतेवर प्रश्नचिन्ह निर्माण करण्याचा हेतू नाही.