Actor Samir Choughule | अभिनेता समीर चौघुलेला ‘महाराष्ट्राची हास्यजत्रा’ या शोमुळे चांगलीच लोकप्रियता मिळाली आहे. आपल्या अचूक विनोदी शैलीने त्याने प्रेक्षकांच्या मनात एक वेगळे स्थान निर्माण केले आहे. यातच आता आता समीर चौघुले चाहत्यांसाठी आणखी एक सरप्राइज घेऊन आला आहे. लवकरच समीर एका नव्या शोमधून प्रेक्षकांच्या भेटीस येणार आहे. याबाबत त्याने सोशल मीडियावर पोस्ट शेअर करत माहिती दिली आहे.
समीर आता दीड तासांचा एकपात्री कार्यक्रम ‘सम्या सम्या मैफिलीत माझ्या’ या कार्यक्रमातून प्रेक्षकांच्या भेटीला येत आहेत. धमाल किस्से आणि गप्पा असणार आहे. त्याच्या नव्या कार्यक्रमासाठी चाहत्यांनी देखील आनंद व्यक्त करत त्याला शुभेच्छा दिल्या आहेत.
समीर चौघुले पोस्ट Actor Samir Choughule |
समीर चौघुलेंनी सोशल मीडियावर शेअर केलेल्या पोस्टमध्ये लिहिले की, “सम्या सम्या मैफिलीत माझ्या” …समीर चौघुले ” …….प्रेम हे ट्रेनमध्ये चढताना हुकलेल्या संधीसारखं असत, जे संधीच सोनं करतात त्याना संसाराची विंडोसीट मिळते.. तर काही जणांच्या मते प्रेम हे प्राजक्ताच्या सड्यासारखं असत जे नेहेमी पायदळी तुडवलं जातं….तर काही जणांच्या मते खरं प्रेम म्हणजे “एखाद जुनं पुस्तक चाळताना सापडलेलं मोराचं पीस”… लग्न म्हणजे काय यावर कोणीतरी म्हटलंय “साबणाची संपत आलेली जुनी वडी नव्या कोऱ्या साबणाला चिकटवणे आणि साबण मोठा करून पुढील अंघोळ करणे”…काही जणांच्या मते लग्न म्हणजे “मुंडावळ्या बांधून वाजत गाजत संसाराच्या बाईकवर बसून ‘मौत का कुव्वा’ मध्ये उडी मारणे” …..वगैरे वगैरे…. ‘प्रेम’ आणि ‘लग्न’ यांच्या जगभरात वगवेगळ्या व्याख्या आहेत…. ”
“रसिक हो…यातली नेमकी तुमची व्याख्या कोणती? सांगता येईल?…चला जाणून घेऊया…. आयुष्यात सुखी होण्यासाठी गुदगुल्या करणाऱ्या, मजेशीर, हास्य कल्लोळ उसळवणाऱ्या महत्वाच्या टिप्स घेऊन येतायत सदाबहार युनिव्हर्सिटीचे प्राध्यापक आणि सुप्रसिद्ध अभिनेता लेखक समीर चौघुले..एक नवा कोराकरकरीत एकपात्री कथा कथनाचा कार्यक्रम घेऊन “सम्या सम्या मैफिलीत माझ्या”………हसतखेळत गुदगुल्या करत आपल्याला आपलाच आरसा दाखवणाऱ्या धम्माल विनोदांची भेळ म्हणजेचं…….. “सम्या सम्या मैफिलीत माझ्या”….सम्याच्या मैफिलीत तुमचं स्वागत आहे.” त्याच्या या नव्या कार्यक्रमासाठी चाहते देखील आतुर झाले आहेत. Actor Samir Choughule |
हेही वाचा:
रणवीर सिंगचे चालू वाईट दिवस; ‘राक्षस’ ते ‘शक्तिमान’पर्यंत हे 5 चित्रपटाला लागला ‘ब्रेक’