Smart Ring : तंत्रज्ञान दररोज विकसित होत आहे. स्मार्टफोन असो वा स्मार्टवॉच, रोज बदलणाऱ्या तंत्रज्ञानामुळे त्यांच्या अस्तित्वावरही प्रश्नचिन्ह निर्माण झाले आहे. नोकियाच्या सीईओपासून ते मायक्रोसॉफ्टचे संस्थापक बिल गेट्स यांनी स्मार्टफोनच्या भविष्यावर प्रश्न उपस्थित केलेले आहेत.
आता प्रश्न स्मार्टवॉचच्या अस्तित्वाचाही आहे. गेल्या काही वर्षांत स्मार्टवॉच खूप लोकप्रिय झाले आहे, पण आता तंत्रज्ञान हळूहळू स्मार्ट रिंगकडे वाटचाल करत आहे. चला जाणून घेऊया अशी कोणती स्मार्ट अंगठी जी स्मार्टवाॅचचे भविष्य संपवू शकते?
स्मार्ट रिंग लाँच होत आहे?
लोक अंगठी फॅशन आयकॉन म्हणून कॅरी करतात, पण ही अंगठी स्मार्ट झाली तर? स्मार्ट रिंग्सचे युग आले आहे, जे आपल्यासाठी अनेक प्रकारे उपयुक्त ठरू शकते. यामध्ये, तुम्हाला स्मार्टवॉचमध्ये उपलब्ध असलेली जवळपास सर्व फिटनेस वैशिष्ट्ये मिळतात.
अलीकडेच नॉईजने आपली पहिली स्मार्ट रिंग लुना सादर केली आहे. मात्र, त्याची किंमत जाहीर करण्यात आलेली नाही. पण यामध्ये तुम्हाला फिटनेसशी संबंधित अनेक फीचर्स मिळतात. ही अंगठी हृदय गती, तापमान आणि SpO2 सारख्या वैशिष्ट्यांसह येते. ते बनवण्यासाठी टायटॅनियम बॉडीचा वापर करण्यात आला आहे.
स्मार्टवॉच संपतील –
या रिंगमध्ये वायरलेस चार्जिंगसारखे फीचर्स उपलब्ध आहेत. केवळ नॉइजच नाही तर काही काळापूर्वी बोटने आपल्या स्मार्ट रिंगची माहिती दिली. ही अंगठी येत्या काही आठवड्यांत बाजारात येऊ शकते. यामध्ये तुम्हाला स्मार्टवॉचसह मिळणारे सर्व फिटनेस फीचर्स देखील मिळतात. स्मार्टवॉचचा ट्रेंड वाढण्यामागे एक प्रमुख कारण म्हणजे फिटनेस ट्रॅकिंग फीचर्सची उपलब्धता.